情人節,原来可以如是过.

反正是情人节,既然是节日,就应当放假给自己,不去写一些文绉绉的东西,嗯,讲一些肤浅点的吧.

而且好像过完年之后我反应比较机车,会不会脑子变阿达喇?

情人节一大早10点钟就比老逗老母meng咗去茶楼饮茶,跟住12点我自己走人去红点,同两个高中F唱K,费事佢哋会唔爽我话唔陪佢哋放烟花喇,万一以后佢哋都唔理我咁咪弊家溜.五点几我哋唱完出嚟去M记坐咗阵,唉,好可惜,要咁早就返归,而且,好似今个情人节都無……晚黑返到屋企就有人约我话今日打麻雀喔,我当然好开心喇,喺屋企咁无聊,而且可以唔使比某人话我係阿宅喇(冤枉吖,我今个月做咗4日阿宅嘎咋).谂住会无无聊聊就过咗一晚,所以煲咗两集电视剧先.时针指住10点半,有个高中F打个电话嚟,條友一向都同我几好倾.然之后,竟然小東東打我手机话就喺我楼下不如出嚟坐顺便叫埋彬少O+.其实同果个人倾咗都好多搞笑嘢嘎,但为咗比面两位女同志,我十一点几就收线出咗街喇.

-------------------------------------以上部分并唔係情人节重点,所以流水帐一笔带过,以下情人节戏玉登场-------------------------------------

两位大家姐十一点几演绎咗一出霸王硬上弓,杀咗去O+屋企,唉,睇住佢哋咁嘅行为,又预示咗我哋三位难兄难弟同无眠夜真有缘.

寒暄一番后,虽然已经唔係2月14喇,但由于事件发生嘅连续性姑且就当佢仲係同一日先喇.12点几,都唔知做乜好,经过一番商量,我哋勇猛咁决定---睇《错爱》.

两位主角吖,讲嘢阴声细气有气无声咁样,而且背景又黑meng’meng,果间咁嘅屋,上楼梯又睇唔到人,室内光管都無盏,贴钱比你都唔去住喇,怪唔知得女主角会生果种病喇,住喺啲咁嘅地方唔抑郁到有病就奇喇,唉,成出戏最惨都係个细路咯.

不过话时话,Stephy个样有小小灵异,其实都几适合拍呢种戏喔.到咗呕饭,呕虫,行路无声,拉窗帘,晚黑训觉……果啲片段,两位大家姐就大嗌:”吖.!我唔睇喇,好恐怖吖.!”然后又死咁抓住我哋只手,那个无奈吖,除咗件面衫比华华讲”妳揽住呢個抓住呢個喇”.睇惊悚片有呢两位女生喺度,再恐怖果出都會变咗搞笑片喇.又屎又烂瘾嘅活标本.

莫非尸虫,尸斑,尸臭味係有得从ghost或者corpse传比人?唔知道呢.不过本来呢出戏係出去同人睇嘅,可惜果期太冻喇.

如果真正睇得明,《错爱》都可以算係一出好电影,近排睇得肤浅嘅偶像剧多,其实应该睇翻一啲要用脑谂嘅片喇.又或者可能我哋中意《错爱》係因为我哋或多或少都颇中意Stephy喇,当然我係属于或多果种.

”人係会为自己中意嘅人做傻事.”

缓冲期间,我哋仲一齐睇咗《神枪手与智多星》.Alex果然喺出戏入面无乜地位,成个kelefe咁.明显就係动作喜剧,但两位大家姐依然大嗌:”又死人喇,咁恐怖,仲话唔係恐怖片?”中毒太深喇,比《错爱》害到.假如我哋係先睇《神枪手与智多星》再睇《错爱》,咁佢哋会唔会认为《错爱》係搞笑片,然后大叫:”哇,好搞笑吖出戏.!”哈哈,女人……

一晃眼已经四点几,我哋又要例行开讲.其实喺前几日我哋就知有人喺情人节前夕濒临分手边缘又或者已经分咗手,最起码佢条女情人节唔陪佢,所以搞到佢要约人打波咁凄凉,哈哈,讲出嚟又不免笑一番,或者我哋咁做并不止係幸灾乐祸咁简单……

两位大家姐后嚟训咗阵觉,我哋伸下个懒腰又差唔多到8点钟走人喇.

8点钟,唔可以睇到以前嘅自己,返学嘅人哋噜,因为上课铃早已响过,话咁快寒假就剩翻一个星期喇,而且高中喺听日就要开学典礼添.好似我哋放假每个星期都要例行通宵一晚,而且基本上都係一样嘅人喺度通宵.虽然呢個寒假係好攰,但係好开心,因为喺咁冻嘅天气下,我哋依然可以玩得咁高兴.就算通宵咁伤身体又何妨?

听讲有个人比较中意紫色,蓝色同埋粉红色.

两位肇事者喺情人节最后关头揾我哋,佢哋赚晒喇.

我哋都隐隐然觉得佢哋有啲嘢,嗯.

-------------------------------------------------------------------------------------------------------------------------------------------------------

但係我好似仲有任务未完成,几时先可以呢?唔知道,就连个天都可能无答案.唔通要等到开学之后,但係好麻烦喔.